BIPV-ն (Building-Integrated Photovoltaics՝ կառույցներում ինտեգրված ֆոտովոլտային համակարգեր) և BAPV-ն (Building-Applied Photovoltaics՝ կառույցների վրա տեղադրվող ֆոտովոլտային համակարգեր) տեխնոլոգիաներ են, որոնք ներառում են արևային վահանակների ուղիղ ինտեգրում կառույցների մեջ կամ դրանց վրա՝ միաժամանակ պահպանելով արտաքին տեսքը և արտադրելով արևային էներգիա:
BIPV-ն և BAPV-ն անխափան կերպով մեկտեղվում են կառույցի ճարտարապետության հետ՝ ծառայելով որպես շինարարական տարր և էներգիայի արտադրության աղբյուր։ Ավանդական արևային վահանակները սովորաբար տեղադրվում են գոյություն ունեցող կառույցի վրա և նախատեսված չեն կառույցի մի մասը լինելու համար։
BIPV/BAPV-ն առաջարկում է երկակի գործառույթ՝ վերականգնվող էներգիայի արտադրություն և շինության մաս: Նրանք կարող են նվազեցնել էներգիայի սպառումը, և պոտենցիալ եկամուտ ապահովել էներգիայի ավելցուկային արտադրությունից:
Սկզբում BIPV/BAPV համակարգերը ինտեգրման և դիզայնի պատճառով կարող է ավելի թանկ լինել, քան ավանդական արևային կայանը: Այնուամենայնիվ, նրանք ապահովում են ծախսերի երկարաժամկետ խնայողություն՝ արտադրելով էլեկտրաէներգիա և նվազեցնելով էներգիայի ծախսերը։
BIPV/BAPV-ն կարող են ինտեգրվել տարբեր շինարարական տարրերի հետ, օրինակ՝ ֆասադներ, պատուհաններ, տանիքներ և այլն: Այս տարրերը ոչ միայն արտադրում են էլեկտրաէներգիա, այլև բարձրացնում են շենքի էստետիկ տեսքը ու ֆունկցիոնալությունը:
BIPV/BAPV համակարգերը պահանջում են նվազագույն սպասարկում՝ ավանդական արևային կայանների նման: Էլեկտրական բաղադրիչների կանոնավոր մաքրումը և ստուգումը ապահովում են օպտիմալացված աշխատանք։ Համակարգերի մեծ մասը նախագծված է կայուն լինելու և եղանակային պայմաններին դիմակայելու համար:
BIPV/BAPV-ն ունեն ճկուն դիզայն, որը հնարավորություն է տալիս ճարտարապետներին ստեղծել եզակի և գրավիչ կառույցներ: Դրանք կարող են հարմարեցվել գույնի, թափանցիկության և դասավորության առումով, որպեսզի համապատասխանեն շենքի նախագծված տեսքին:
BIPV/BAPV-ն կարող են հարմարեցվել տարբեր տեսակի շենքերի, այդ թվում բնակելի, առևտրային և արդյունաբերական կառույցների: Այնուամենայնիվ, իրագործելիությունը կախված է այնպիսի գործոններից, ինչպիսիք են շենքի տեղադիրքը, էլ․ էներգիայի պահանջները, սեփականատիրոջ բյուջեն և տեղական կանոնակարգերը: